यीशु रा जन्म

मरियम री बरणी एक यूसुफ ना रे एकु धर्मी मणशे संघा होई | जेबा यूसुफा यह पता च़लु कि मरियम सुइंदी साहा , होर ज़ोह तेसके पेटे साहा सह बालक तेऊर नाईं आंधअ ,पर युसुफे ज़ोह धर्मी तिही होर तेसा बदनाम करना नाईं चाहंदअ नाईं तिही , तेसा चुप चेरे छाड़ने रा बचार करू | ज़ेबा सह याह गला री सोचा में ही तिही तेबा प्रभु र स्वर्गतेऊ रे सुपने में हेरू |

स्वर्गदूते तेऊ बे बोलू, “हे यूसुफ ! तूह आपणी बेटढ़ी मरियमा अखा का आणने का नाईं डरे ,किबेकि ज़ोह तेसके पेटे साहा ,सह पबित्र आत्मा री ओरा का साहा | तेसके शोहरू हूँणो होर तुह तेऊ रा ना यीशु डाहे (ज़ासका अर्थ साहा,'यहोवा बचाउंदा' ) किबेकि सह आपणे लोका रा त्याह रे पापा का उद्धार करणा |"

यूसुफे मरियमे संघा वियाह करू होर आपणी बेटढ़ी आपणे घरा बे नी, होर जेबरे तणी तेसके शोहरू नाईं होऊ तेबरे तणी सह तेसा सेटा बे नाईं नाठअ |

जेबा मरियमा री दिहाड़ी पूरी होई , रोमन साम्राज्य बोलू कि सभे लोका ना लखाउणे बे आपणे -आपणे नगरा बे नाहाँ | तेबा यूसुफ और मरियम भी एक लाम्बी यात्रा तय करी करे नासरता बे नाठे, किबेकि यूसुफ दाऊदा रे घराने होर खानदाना का तिही , गलीला रे नासरत नगरा का यहूदिया में दाऊदा रे नगर बैतलहमा बे नाठअ |

जेबा त्या बैतलहमा में पूजी, तेबा त्याह रहंणे बे ज़ाघा नाईं तिही | तखे त्याह बे सीधी सह ज़ाघा भेटी ज़खे पशु रहंदा तिही | तेऊ बालका रा जन्म होऊ, ज़खे पशु चारा तिही , होर तेउ री उसकी आमा बे तखे कोई भी पलग नाईं आंधअ तिही | त्याहे तेऊ रा ना यीशु डाहू |

और होर तेऊ देशे केतरे गाल़े फुआल रहंदा तिही ,ज़ोह मदाना में रही करे आपणे छुड़ा रा पहरा करा तिही | अचानक, एक चमकतअ स्वर्ग दूत त्याह हेरू ,होर त्या बहू डरी | तेबा स्बर्गदुते त्याह बे बोलू, “तब नाईं डरा; किबेकि हेरा, मांह तमा बे आनन्दा रा सुसमाचार खोजू , कि आझ बैतलहमा नगरा मेंतमा बे एक उद्धारकर्ता जन्मू ,होर यहे मसीह पभु साहा |”

“होर एउ रा तमा बे यह पता हूँणा कि तमा एक बालक कापडे में पल़ेटू द होर चरनी (पशु चारने री ज़ाघा) में भेटणो |” तेबा एका- एक स्वर्गदूता रे दल दईबा री स्तुति करदे होर यह करदे हेरी , “सर्गे दईबा री महिमा होर यह कहते हुए दिखाई दिया, “आकाश में परमेश्वर की महिमा होर पृथ्वी पेंदे त्याह मणशा में जासु का सह खुश साहा , शान्ति हो |”

तेबा फुआल बैतलहमा बे नाठे ज़खे यीशु रा जन्म होऊ तिही , होर त्याहे तेभरी नाहीं करे मरियमा होर यूसुफा बे , होर चरनी में पडू द सह बालक हेरू त्याहे तेडा ही हेरू जेड़ा स्वर्गदते त्याह बे खोजू तिही | त्या बहू उत्साहित तिही | होर मरियम होर भी खुश तिही | होर फुआले जेड़ा तेऊ बोलू तिही ,तेडा ही सब शुणी करे होर हेरी करे दईबा री महिमा होर स्तुति करदे फिरी आउए |

कुछ टाईमा बाद ज्योद्शी पुर्बा में एक तारअ हेरू | एता का त्याहे जाणु कि, यहूदी र राज़ा पैदा होऊ | होर त्या एक लाम्मी दुरी तय करी करे तेऊ राज़ा हेरदे नाठे | त्या बैतलहमा बे नाठए ,होर तेऊ घरे पूजी ज़खे यीशु होर तेऊ रे आमा बापू रहंदे तिही |

तेऊ घरे पूजी करे सह बालक तेऊ री आमा मरियमे संघा हेरू , के होर त्याहे उटे होई करे तेऊ बालका बे प्रणाम करू | त्याहे यीशु बे बहू कीमतदार चिज़ा दिनी | तेबा त्या घरा बे नाठे |

बाइबला री कथा में : मत्ती 1; लूका 2